اقتصاد أردوغان وليرة
أردوغان…..
بقلم د/وجيه الغبورى
النهاردة الجمعه 17 ديسمبر 2021، الدولار الامريكي تجاوز قيمته فى الاناضول 15 ليرة تركية.
دا معناه انه خلاص الليرة التركية الواحدة = جنيه مصري واحد
دى مجرد ملحوظة عابرة بريئة لكل اللى صدعونا بـ تجربة اردوغان..
واقتصاد اردوغان..
وليرة اردوغان..
خد بالك الحدوتة مش راس براس.. لا تفرق كتير..
انت عملتك ثابتة او فى الطالع.. انما ما يسمى بالليرة التركية فى النازل ومكملة فى النازل
انت اهم اقتصاد ناشيء فى العالم بحسب كل المؤسسات الدولية اللى طبلت لاردوغان من 15 سنة..
خد بالك انت فى مصر بتصرف على التنمية والعمران والانسان
انما فى تركيا ما يسمى بالليرة بتحتضر عشان رجب طيب بغبغان صرف على ارهاب الاسلامجية فى ليبيا واليمن وسوريا والعراق واذربيجان وحالياً بيدور على اى سبوبة فى اوكرانيا، دا غير المليارات اللى صرفها على مطاريد مصر اللى قعدهم فى منتجعات سبع نجوم اقامة فور بورد وخدمة دعارة 24 ساعة على قفا المواطن التركي..
وبالتالى العملة المصرية تصعد او تهبط فى النهاية بتقدم لك خدمات هتعيش ليك وللاجيال اللى جاية..
انما الليرة التركية صعدت وهبطت خدمة للارهاب الدولي ومشروع قذر منحط ساقط اسمه اعادة ما يسمى بالخلافة العثمانية وتنظيم العثمانيين الجدد وحماية تنظيم الحمدين فى قطر ولعبة الكراسي الموسيقية مع تنظيم الجمهورية الاسلامية الايرانية على قفا سوريا والعراق..
وتمويل دائم ثابت بمليارات لصحف وقنوات امريكة وبريطانية واوروبية عشان تطبل يومياً لـ “رجب انبوبة” وتشتم فى مصر والانقلاب راح والانقلاب جه..
فالحدوتة عمرها ما كانت مقارنة بين عملتين واتنين اقتصاد..
دى مقارنة بين اهل الخير اللى نجحوا او اخفقوا فى النهاية الهدف هو نسيب حاجة عدلة للناس يفتكروا بها الراجل المحترم اللى شال رقبته وعيلته على كفة عشان ينجد بها مصر
واليمة التانية هو مندوب اهل الشر.. مجرد مندوب للتنظيم الدولي للاخوان حلب تركيا حتى اخر قطرة عشان ثروات بارونات التنظيم الدولي للاخوان وارصدته المهربة خارج تركيا وبيزنس ابنه وزوج بنته..
هى دي الحكاية يا صاحبي.. حكاية عملة “كانت” اسمها الليرة التركية.