عبدالله عبدالعظيم
الإنسانية في اجمل صورها….
رامية الحربة البولندية Maria Andrejczyk وإللي كسبت الميدالية الفضية في أولمبياد طوكيو من كام يوم، عملت من يومين حركة لطيفة جدًا..
خليني الأول أقولك انه ماريا هي أحد الناجيات من أحد أنواع كانسر العظام وقدرت بعد فترة كبيرة من العلاج والجراحات إنها تتخلص منه وتتدرب كويس عشان تشارك في أولمبياد طوكيو وإللي قدرت تكسب فيها وتحقق الفضية..
وهي بتتصفح الإنترنت، وجدت زوجين كاتبين بوست عن طفلهم ابن ال8 شهور إللي بيعاني من مشاكل ومحتاج عملية نقل قلب في أمريكا، ولكن العملية مكلفة جدًا ومش قادرين يكملوا باقي الفلوس.
تقوم ماريا عاملة مزاد علني، عشان تبيع فيه ميداليتها الفضية إللي قعدت طول عمرها تحلم بيها فقط بعد 10 أيام من حصولها عليها، مقابل 125.000 دولار وبالفعل حصل واخدت الفلوس وادتها لعائلة الطفل..
وتلاقي الأجمل والاجمل يحصل لما الشخص إللي فاز بالمزاد واشترى الميدالية، راح لماريا وقالها مقدرش اخد منك نجاحك مقابل احتياجك للفلوس لمساعدة شخص غريب ماتعرفهوش، واداها الميدالية تاني..
والحقيقة دا شيء جميل جدًا ويعرفك يعني ايه تكون إنسان بجد..