السلام بفلوس
بقلم علاء عامر
بكرة السلام بفلوس.
لسه فى نفوس..
تحنى لك الروؤس..
توطى عليك وتبوس..
عايشه ذى السوس..
عشان مصلحتها تدوس..
على رقبة الفقير..
الصغير والكبير..
ومابيهمهاش..
في نظرها مايسواش..
مالهاش فى المبادئ..
ضميرها مش فارق..
على مصلحته راشق..
وسهامه أبدا مايخيب..
حلنجى وديما بيصيب..
ألعبان في كل مطرح..
يقعد فيه ويشطح..
الناس وياه حبايب..
كسبانة وليها نايب..
والحاضر يقول للغايب.
خيرنا يتعبى في زكايب.
وأن قولتله علي الأخلاق..
يقولك سيبها علي الخلاق..
ربك مطلع وعارف..
على قلبى وشايف..
اخلاقى مالهاش مثيل..
مش محتاجة دليل..
تحاوره شمال ويمين..
جيم على سين..
تطلع انت الحرامى..
وهو الشريف العصامى.
والمخلص والأمين.؟!
الحافظ حدود الدين..