( العيب)
كلمات/صبري حسين
لي شهور وسنبن
بلف شمال ويمين
سالت الحكمة والعطارين
سالت كبار وصغيرابن
كلمت بنات وبنين
سالت رجال وحريم
العيب راح فين
العيب اللي من فترة قصيرة
كان موجود في كل مكان
موجود في الشارع والبيت
كان متوفر في المدارس
موجود في كل المصالح
العيب كان موجود في المواصلات
حاضر في كل الأماكن والمنتديات
الام كانت بترضعه مع الحليب
العيب كان موجود مع القريب والغريب
كانوا بيعلموه في دور العبادة
العيب كان معروف عند أهل الشارع والحارة
عيب ترفع صوتك
عيب انك تجرح جيرانك
العيب كان موجود عند الكل
كانت يعلمه الاب والام
عيب تعاكس
عيب تقف علي النواصي
عيب تشوف واحدة حامل
او معاق او مسن وتفضل قاعد علي الكرسي
عيب تعمل فرح وجارك عايش حالة حزن
عيب والف عيب تغضب امك او ابوك
عيب تقلد من غير تفكير
لما تعمل اي عيب
تلاقي العتاب من كل اللي بيحبوك
الكل لطريق الصواب يرشدوك
من القلب ينصحوك
نفسي اعرف العيب راح فين
اختفي من حياتنا ليه
ليه البجاحة بقت موجودة في كل مكان
قلة القيمة بقت هي العنوان
ضاع ما بنا الاحترام
ليه الفائز هو سليط اللسان
لما كنا نعرف العيب
كان الحب والود هو العنوان
عايزين نرجع تاني لزمن العيب
عايزين نعلي قيم الاحترام
بالفعل مش بالكلام
ياليت نرجع نبذر بذور العيب
الكل يرعاها ويحافظ عليها
عشان الأجيال اللي جاية
تقدر تجنيها
وتعيش كل معانيها
لما نعرف العيب
ا هيرجع الحب والوئام
هيرجع للكل الاحترام
عايزين يرجع العيب في كل مكان
العيب العيب يا انسان
معني العيب موجود في كل الأديان
عايزين نعلم اولادنا معني العيب
اكبر عيب. إننا مانعرف العيب
والله عيب علينا نتعايش مع العيب
صبري حسين