القسوة من صنع ايديك
كلمات/ صبري حسين
زعلانة
من كلامي
بتسألي
منين جبت كل القسوة دية
هاقولك ايه
اسألي دموع عنية
اسالي الفرحة اللي ماتت جوايا
علي أد كل ما في قلبي من حنية
انا عمري ما عرفت القسوة
قلبي طول عمره
مليان حنان ورحمة
ياما رويتك من الحنية
قلبي كان حاضنك
دايما كنت اقولك
بخاف عليك
اكتر من خوفك علي نفسك
انا يا حياتي كل اهلك
قبل ما اكون حبيبك
انا اخوك وابوك
انا كلي ملكك
يا حبيبتي
انت مش بس حبيبتي
انت اقرب مني لي
انت نور حياتي
انت نبض قلبي
معاك لاقيت نفسي
انت امسي ويومي
كل اللي باقي من عمري
انت كل الدنيا عندي
فاكرة لما كنت اقولك
انت نعمة من ربي
انعم بها علي
بسببك اتصالحت مع ايامي
نسيت كل اهاتي وأحزاني
من لحظة ما حبك قلبي
ابديت احسب عمري
كنت راضي
باي حاجة منك
افرح لكلامك
احترم صمتك
يا ما اتعذبت بغيابك
لكن كنت راضي
دايما التمس لك الف عذر
لا في يوم لومت
ولا اتذمرت
دايما اقولك
كفاية وجودها في حياتك
مع انك عني بعيدة
لكنك دايما قصادي
ساكنة قلبي وعقلي
دايما عايشة في خيالي
كنت صابر وراضي
لكنك اتغيرتي
عن حبي اتحولتي
غيابك طال
اسأل مهما اسأل
مفيش منك رد
مش لاقي غير الصد
المشاعر الحلوة فين راحت
علي نفسي اتحسرت
فين كل الوعود
راحت فين العهود
انادي عليك
مفيش رد
معقولة بالسرعة دي
يتغير بك الحال
بعد ماكنا عايشين اجمل موال
كلامنا كله عن الوصال
تبعدي
تهجري
علي قلبي تقسي
تهون عليك دموع عيني
يطربك نواحي وانيني
بعد كل ده جاية تسأليني
من فين جبت كل القسوة دية
بعد كل اللي عملتيه في
عايزة تعيشي دور. الضحية
عايزة تظهريني في ابشع صورة
انا اللي قهرتك
انا اللي جرحتك
انا الجاني وانت الضحية
انا اللي اذيتك كل الأذية
مش عارف ازاي عندك القدرة
تقلبي كل الحقائق
ازاي تقدري تحولي الجاني ضحية
علي أد ما انا حزين
دموعي بتجري علي الخدين
لكن صدقيني
حزني الأكبر عليك
أزي مصدقة نفسك
راح فين ضميرك
معقولة يكون مرتاح قلبك
ارجوك واجهي نفسك
اتبرئي من ذنبك
يمكن يغفر لك ربك
ارجوك. ر
اجعي نفسك
اخر كلمة مني اليك
لو كنت قسيت عليك
القسوة دي من صنع ايديك
القسوة من صنع ايديك