كتب / لواء ا.ح سيف الدين محمد
صباح الخير….. واللي مش متابعين أخبار الكوكب… ف خليني اقولكوا … ومطولش عليكوا وقولولي طول…..
ف الجزائر….. الناس صحيت الصبح النهاردة ف الجزائر وعلى ريق النوم كدا وخير اللهم اجعله خير الرئيس تبون اصدر قرار بمصادرة كل شركات ومصانع رجال الاعمال التابعين للنظام السابق….. نظام بوتفليقة وقال ف بيان ليه…. سيتم تأميم ومصادرة كل مصانع رجال اعمال النظام السابق واللي هما مصممين على تركيع الإقتصاد الجزائري … و راح قايلهم كمان…طب أبوكو على ابو اللي جابكوا ل هصادر كل اموالكوا و هأممها علشان تبقوا تعرفوا تعطشوا السوق وتبوظوا الإقتصاد دا مش كدا وبس دا انا كمان هرجع كل الشركات والمصانع الحكومية اللي إتخصخصت وإتباعت ف عهد بوتفليقة… وقال كمان…… الاقتصاد الجزائري عاش حالة تصحّر للإنتاج المحلي خلال فترة حكم بوتفليقة وبات الشعب تحت رحمة البضائع المستوردة بنسبة 80 ف المئة، ونفقات تقارب قيمتها 50 مليار دولار على الواردات… وقال كمان…. “العصابة قضت على الإنتاج المحلي بدليل أن القطاع الصناعي بقي يشكل النسبة الأضعف من الناتج المحلي الخام بـ6 في المئة” هاااا يا عم ساويرس….. قولتلي بقا مالها شركات الجيش…..!!! وقولتلي بقا مديقاك ف إيه ….؟؟ طب هو إنت كرجل اعمال اصلا بتنتج إيه…. ولا حتى بتصنع إيه ؟؟؟ بعيدا يعني عن مهرجان الجونة اللي حاولتوا تلبسونا العمة وتفهمونا إنه واجهة مصر وإن لازم كلنا نقلع و هو دا الفن … بعيدا يعني عن إني كلنا بنحب نقلع اصلا…. مممم واتيفر يعني طب والله السيسي دا راجل محترم إنه لحد دلوقتي مصادرش أموالكوا ولا امم مصانع رجال اعمال امثالك لا مش كدا وبس دا بنى مصانع جديدة وطرق ومناطق صناعية جديدة متكاملة ف كل محافظة … لا ولمؤاخذة جاي يقولك بيأثر على القطاع الخاص فمصر …… سلامات يا بتاع الخاص وع الناحية التانية من الكوكب…. السودان…. البرهان خلاص إتفق مع الحمدوك … طب إتفقوا على إيه …!! ان عبدالفتاح البرهان اللي هو بيمثل الجيش يكون هو رئيس المجلس السيادي و ان الجيش هو الحاكم الفعلي للبلاد واتفقوا على ان المجلس العسكري هو اللي هيختار ويعين محافظين الولايات السودانية وان الجيش هو المسؤل عن كل القرارات والقوانين ف البلد وان الحمدوك ميدخلش التواليت غير لما يستاذن من البرهان اللي هو يعني رئيس المجلس العسكري الله ….. اومال الحمدوك لازمتة إيه !!! الحمدوك هيختار حكومة تكنوقراط ولا تتحيز لأي حزب او جماعة….. مممم وتكون بموافقة المجلس العسكري برضوا…. طب فهمتوا اللي أنا فهمته برضوا ولا لسه ؟؟ وع الناحية التانية من الكوكب… الصين … رئيس الصين إسم النبي حارصة وصاينة من العين … شي جين بينغ طلع الصبح وف إفتتاح مؤتمر الحزب الشيوعي الحاكم ف الصين قال….. إن الصين لا تسعى أبدا للهيمنة العالمية….. مممم لا والنبي يا شيخ…… دا إنتوا مهيمنين على كل إقتصاد العالم ودايسين بالجزمة على وش امريكا وخلاص جايبين لمس أكتاف يا راجل…. وع الناحية التانية من الكوكب….. ف امريكا…. ف ولاية ويسكنسون …. واحد ركب عربيتة وراح طالع باقصى سرعة ودخل بالعربية ف إحتفال عيد الميلاد ف الشارع ومات ٥ وفي ٤٠ أمريكاني ف حالة خطرة…. أهو دا بيفكرني ب بلدينا اللي كان ف القسم والظابط بيسأله إزاي يا جاحد قتلت ٥٠ بني أدم بعربيتك….!!! ف قاله والله يا بيه ما كنت اقصد دا انا كنت سايق ف آمان الله وجاي ادوس فرامل ملقتش الفرامل فبصيت يمين لقيت اتنين ماشيين وبصيت شمال لقيت فرح فيه ناس كتير …. تفتكر يا بيه ادخل فين !!! ف قاله طبعا تدخل ف الاتنين اللي ماشيين…. ف قاله ما هو دا اللي انا عملته ودخلت ف الاتنين اللي ماشيين خبطت واحد فيهم والتاني جري ع الفرح ف جريت وراه….. وع الناحية التانية من الكوكب…. ف إسرائيل…. نتنياهو بيتحاكم النهاردة وبيتعلق من لباليبة بتهمة تلقي رشاوي بالملايين… ممممم وتهم فساد وليلة كبيرة سعادتك… وع الناحية التانية من الكوكب…. النمسا وبلجيكا وهولندا ومعظم دول اوروبا قفلت تماما ٣ اسابيع بسبب الإصابات وف فيينا عاصمة النمسا الشعب نازل دب ف الشرطة بسبب الإغلاق وع الناحية التانية من الكوكب…… ف سوريا… الجيش الروسي يفرض دوريات عسكرية حوالين المنطقة اللي مسيطر عليها الجيش الامريكي ف سوريا … جيش روسي….!! جيش امريكي….!! و ف سوريا….!!! الله اومال فين الإخوة المجاهدين بتوع الخلافة الإسلامية من اللي بيحصل ده…!! الله… اومال فين الأخ المجاهد عبدالله رشدي من الأسرى الروس اللي لحمهم أبيض ومفيهوش ولا حتة عضمة وولا حتة شاغته يااخي والله لو كان الرسول لسة عايش وشاف اللي انت بتقوله عن الإسلام ده لكان سلمك تسليم أهالي لابولهب دا مش بعيد كان أبولهب قدمك قربان للآلهة اللي حوالين الكعبة.. وع الناحية التانية من الكوكب…… كوكب تحيا مصر الحكومة بتقول إن الشهر الجاي هو آخر فرصة للقطاع الخاص لتطبيق الحد الأدنى للاجور وهو ٢٥٠٠ جنية كمان ف كوكب تحيا مصر…. من الشهر الجاي مصر هتكون رئيسة منظمة الكوميسا… واللي ميعرفش مين الكوميسا دي ف دي منظمة تجارة حرة بتجمع دول شرق وجنوب افريقيا من اول ليبيا لحد زامبيا كانوا حوالي ٩ دول ودلوقتي وصلوا ل ١٢ دولة تقدر تصدر ليها منتجاتك بدون جمارك مصر كانت زمان بتصدر ليهم بحوالي ٩ مليون دولار بس مصر السنة دي بس ولحد إمبارح صدرت لدول الكوميسا ب ٢ مليار دولار انا بس عايزك تقارن بين ٩ مليون وبين فعهد السيسي وف سنة واحدة ولسه مخلصتش صدرت ليهم ب ٢ مليار دولار دا غير البعد والعمق الافريقي مصر ف عهد السيسي بقت ف حتة تانية خالص ف قلب افريقيا…. كمان ف كوكب تحيا مصر … واحد كان عنده شركة إتصالات وبيكسب ملايين من الهوا ولما المذيعة سالتة ثروتك كام ف قالها قبل السؤال ولا بعد السؤال…!! الراجل ده باع كل شركاته وصفى كل اعماله ف عهد الإخوان ونقل كل فلوسة ل سويسرا واشترى قرية هناك فوسط جبال سويسرا وعملها منتجع أنا معنديش مشكلة ف كل اللي فات ده خالص..