كلمات الشاعر الفنان رزق جادو
مصر.. دمياط
( المدارس في الدخول )
كل شئ وله أصول
واحنا في هم النهارده
والمدارس في الدخول
واللي طالعة أولى ثانوي
واللي في سنة القبول
والمصاريف عمالة ترفع
حاجة تهبل العقول
الأهالي تصرخ تنادي
تصرخ لمين ولمين تقول
ياناس حرام الناس غلابة
الرحمة حلوة بالأصول
الأولاد مناشير بتاكل
في الطلوع وفي النزول
ياعيني على اولياء الامور
الغلابة على طول
كلمات الشاعر الفنان رزق جادو
مصر .. دمياط