(المسحراتي)
كلمات /صبري حسين
(3)
مسحراتي
بلف ونادي
بقول واعيد كلامي
يا مسلمين
يا موحدين
صلوا علي كحيل العين
محمد بن عبدالله
عليه افضل الصلاة والسلام
من علمنا جبر الخاطر
جبر الخواطر
لنا وللغير
جبر الخاطر
له اشكال كتير
اعطف علي الفقير
امسح علي راس يتيم
الف طريق وطريق لجبر الخاطر
جبر الخواطر عبادة منسية
جبر الخواطر فيها كل معاني الانسانية
ابتسامة بسيطة
لعامل عندك
مساعدة زميل في شغلك
مواساة جارك
هدية لزوجتك
تلبية طلب ابوك وامك
من صار في وسط الناس جابر للخواطر
نجاه الله من المخاطر
مسحراتي
بقول واكرر
عن كل اللي جوايا بعبر
يا اخواتي يا اصحابي
جبر الخاطر
تخلي القلب بالفرحة غامر
آه وآه من كسر الخاطر
تجري الدموع انهار
تقربنا من النار
اعاذنا واياكم من خزي النار
يا مسلمين يا موحدين
عليكم بجبر الخاطر
سبحانه وتعال قال في القرأن
أريت الذي يكذب بالدين
فذلك الذي يدع اليتيم
ولا يحض علي طعام المسكين
صدق الله العظيم
يامسلمين يا موحدين
خليكم للحسنات صائدين
مفيش اسهل من جبر الخاطر
خليك انسان شاطر
تقرب لله بجبر الخاطر
كل سنة وانتم طيبين
رمضان كريم
صبري حسين