المسحراتي (26)
كلمات/ صبري حسين
مسحراتي
انا المسحراتي
معاكم ليلاتي
كلها كام يوم
اقولكم سلام
ربنا يعيد علينا الايام
ويتقبل منا ومنكم
الصيام والقيام
يا اهلي يا اصحابي
يا كل احبابي
نوعية من الناس
بنا عايشين
بنقابلهم ليل ونهار
نتقاسم معاهم العشا والفطار
بنتعامل معاهم بقلب سلييم
يقابلوك بالاحضان
في وشك يسمعوك احلي كلام
يادوب تديهم ضهرك
يفضلوا يجيبوا في سيرتك
يقطعوا ويستطعموا في لحمك
متعتهم نقل الكلام
لهم الف وش
حياتهم كلها غش في غش
زي ما بينقلوا اليك
بيتكلموا عليك
لو لهم مصلحة عندك
تلاقيهم جنبك
قاعدين تحت رجلك
بعد ما تخلص مصلحتهم
يقابلوك ولا كأنهم في يوم عرفوك
عمرهم ما أعترفوا بالفضل
ناس عديمي الأصل
أستاذة في اللعب علي كل الحبال
أفعالهم أفعال شياطين
يا ناس يا طيبين
خليكم من دور حريصين
ابعدوا عن اللي بيغيروا الوشوش
اكتر ما بيغيروا الملابس
قربوا. دايما من الناس الواضحة
اللي كلمتهم دايما واحدة
عمرهم ما يتكلموا عنك
اللي يدافعوا عنك في غيابك
هم دول اللي تفتح لهم بابك
تقدم لهم طعامك
دول اللي تاخدهم اصحابك
يا اهلي يا اصحابي
يا كل احبابي
خلي بالكوا من اللي لهم الف وش
النوعية دي ملهاش امان
قلوبهم أشد من الصوان
لا تعرف رحمة. ولا حنان
اتغلب. عليهم الشيطان
يا اهلي يا اصحابي
يا كل احبابي
اقفل ودانك قصاد كلام نقالين الكلام
اللي لا يعرفوا حلال من حرام
الناس اللي مع كل واحد بوش
يا مسلمين يا موحدين
كل عام وانتم طيبين
رمضان كريم