محمد السيد سالم
ايوه يومياتى انا بدعي عليك
مانت جرحت كثير وقسيت
كنت اتمنى الرضا في عينيك
وافضل طيف ويحوم حواليك
بدعي عليك
عارف بدعى عليك وبايه
لو قلبك مجروح اداويه
اجري عليه وكمان اواسيه
وكل ما املك انا افديك
بدعي عليك
بدعي عليك ما تجرب ناري
ولا تشعر لحظه بمراري
ولا تحزن مره ولا تداري
كل منايا بس ارضيك
بدعي عليك
بدعي عليك ما تقول الاه
لو مجروح جرحك تنساه
ويبقى جراحك قلبي دواه
وادعي ليلاتى الله يشفيك
بدعي عليك
بدعي عليك انا في الاحلام
تبقى سعيد عايش في سلام
و لما بصحي باقول يا سلام
يكون من حظك فين اراضيك
بدعى عليك
بدعي عليك انا كده كالعاده
وارجع ادعي كمان بزياده
تبقى حياتك رضا وسعاده
ويحبب من خلقه فيك
بدعي عليك
بدري عليك انك تنساني
لو في حياتك محبوب ثاني
وانا بتمنى وكل اماني
كل الخير والسعد يجيك
بدعي عليك
بدعي عليك ودموع في عينه
ووهب قلبي وروحي هديه
وابعت روحي بالف تحيه
بتقول لك مش هدعى عليك
مش هدعي عليك
كلمات
محمد السيد سالم