{ تخاريف على نضيف}
———————-
الشاعر / عبدالله عبدالعظيم ?
=====
ومحنة في أرضي ?️ تجر محن
ومحني يا ضهري ?️ بأرخص تمن
وحزن وملامة
في يوم ابتسامة
بحبك
وياما.
®®®®®®®®®®
وقدمت مهري ?️ منايا الخطوبة
قفلتي بيبانك ?️ ورايا بطوبة
ربيعك رطوبة
يا سمرا
يا بوبة
وكدبك
في وعدك
دي حاجة تجن
®®®®®®®®®®
تاريخك حضارة ?️ وبشهد عليه
وساكن في حارة ?️ ما لاقي الجنيه
وعايش يا بيه
وإيه اللي فيه
تحسي
توصي
عليه الزمن
®®®®®®®®®®®
ولابس كمامة ?️ أكيد مش كرونا
على حزن ياما ?️ يا ناس إلحقونا
شرينا وباعونا
خلاصة
وزتونة
محالة
يفوتنا
إلا ف كفن
®®®®®®®®®®®
وكل أما أقرر ?️ على رزقي أسعى
ألاقي المقرر ?️ بتفتح لتسعة
دماغي تفكر
همومي
بتكتر
وعسلك ممرر
ماليكي الشجن
®®®®®®®®®®®
ومليون رصاصة ?️ على اللي يعاديكي
حياتي وراثة ?️ لفرحة عينيكي
أنا بين إيديكي
بفقري
شاريكي
وطالع يا ديكي
لفجر الوطن ?