خدعوك فقالوا ” الإهتمام ما بيطلبش”
كتبت/ د سما اليمني
في الحقيقة طول عمري بسمع المقولة دي.. وكنت مقتنعة جدا بيها ..
ولما كبرت وفهمت عرفت ان سيكولوجية الرجل في التعبير عن الحب بتختلف عن سيكولوجية المرأة..
يعني ايه الكلام الكبير ده؟!
يعني المرأة بطبعها كائن عاطفي بتعرف تعبر عن مشاعرها بكل سهولة ويسر .. سواء بالكلمات او بالإحتواء.. إلخ.
أما الرجل بيميل للتعبير عن حبه بطريقة غير مباشرة عن طريق افعاله..
هو ممكن يكون مش شاطر اوي في الكلام عن المشاعر..
لكن هتلاقي افعاله بتتولي الأمر في ده ..
معني كدا انه مفيش مانع ان الشريك يطلب من شريكه الطريقة اللي بيفضل يتحب بيها..
أيووووه..
اطلبها منه لإنها في الاغلب مبهمة بالنسباله..
هو فاهم انه طريقته في العطاء والتعبير عن مشاعره دي انسب طريقة بيديهالك ..
وده لسبب بسيط ان شريكك ما اتعلمش فن التعامل في العلاقات قبل كدا ..
فهموا بعض لغة بعض في الاحتياج وبلاش كل واحد يستنى الثاني يستنتج بنفسه ..
وياريت ما تضيعوش العمر في إنتظار مبادرة الاهتمام من الطرف الثاني ..
” لأن فعلا الاهتمام لازم يتوضح ويطلب“