شُهداء وطنَّا
مصباح محمد إسماعيل فضل
كبير معلمين للغة العربية بجمهورية مصر العربية.
شُهداء وطنَّا
دول نُور عيونَّا
وزهر فتَّح
وزاد فخارنا
في جيش وشُرطه
تمريض دروعنا
والطِّب صانَّا
ضحوا بحياتهم
فتحوا صدورهم
للموت وهُمّا
بيصدوا عنَّا
إرهاب ، كُورونا
تُجار خانونا
وعدو دِينَّا
لو نفتديهم
مش راح
نوفِّي ساعة سهر
مش راح
نكفي فزعة قمر
من فوق سريرها
من حُضن زوجها
من بين ولادها
علشان تداوي
علشان تقاوم
علشان تخفف
ألم البشر
علشان يحارب
علشان يدافع
علشان يطهَّر
وطني الأغرّ .
إوعى تفكر
يوم تنتقصهم
أو تنتقدهم
لو كنت مِصري
أو كنت حُرّ
لو كنت مِصري
أو كنت حُرّ……