علشان أخونا
بقلمى محمد عنانى
علشان أخونا
عشان أخونا ومننا
ونهاية إسمك زينا
هو لقبنا فى إسمنا
من أب واحد كلنا
والأم واحده أمنا
وأصل واحد دمنا
قرب تعالى وقولنا
لسبب بعادك عننا
تركت بيتنا وعشنا
فينه عيشنا وملحنا
واللقمه كات بتلمنا
وسط عيله تضمنا
إوعا تكون كرهتنا
أو شيطان بوسطنا
إعتب علينا وقولنا
إنت حبيب و تهمنا
لوغلط مش قصدنا
أو كلمه كانت مننا
خليك كريم يا عمنا
دى المروءه طبعنا
ميراث أبونا وجدنا
تانى نسامح بعضنا
ونشوف مابينا ودنا
ومحبه دايمه بقلبنا
فالخير أكيد حيعمنا