متابعة شيرين سلطان
الشاعر احمد راضي اللاوندي
على قد مرمى البصر
شوفت الزمان بيدور
والدنيا بتقلبه
فى حجرها بالدور
وبكرة جاى مبتسم
ويلوم على امبارح
انا جاى وجيبت النور
يابكرة طال صبرنا
امتى المعاد والتو
رغم الغيوم ف الجو
على قد مرمى البصر
نلمح تعاريجك
والانتظارشطنا
والبحر ماج فى النو
فى كل خطوة اتحدف
والموج يرجعنى
ولما اشوف وافتكر
بكرة يطمعنى
تحلا ف عينى الحياة
وترجع البسمة
ينشد عودى واقول
للدنيا ايه يعنى
حلمى اللى تاه واتنسي
ف زحمة الحرمان
خبط على مهجتى
وزحزح الاحزان
وقال لى بان الامل
وبكرة جاى بكرة
يبدر ليالى الهنا
ويطوى كل هوان
يابرجى سعدك
ماعدش الحد واللتنين
والسعد جاى عندنا
يافرحتك ياحزين
ادى انت بكرة
هيقروا السعد ف عيونك
مابقاش ف حاجة
لقراية الحظ ف الجرانين
ياقلبى بعد انتظار
الفرح جالك يوم
هتدوق نعيم الهنا
ومركبك هتعوم
والريح يخدم فى قلع
المركبة تانى
ولا بحر يعلا ولا تلقى
الليالى حسوم
على قدشوقى لبكرة
القلب صبره يزيد
فركة سعات والتقى
فى الفجر اول عيد
ويبان شروق شمسنا
ونودع امبارح
ونشوف سلام اللقاء
مع بكرة بالزغاريد