(عيشي حياتك)
كلمات /صبري حسين
دمعة محبوسة
ضحكة مخنوقة
دايما خايفة
عيونك زايغة
بدوري علي الامان
محرومة من الاطمئنان
بتتمني ترسي علي سط الحنان
وتبعدي عن الحرمان
مجروحة
فقدي ثقتك في الكل
بقيتي تخافي حتي من الظل
عايشة ومش عايشة
تايهة خايفة
تقدمي رجل وتأخري الف رجل
عشعش جواك الخوف
هتوصلي لفين
حرام عليك نفسك
ارحمي قلبك
اتحرري من خوفك
انتصري علي ضعفك
اكسري يأسك
أرفعي للسما راسك
فتحي عيونك
هتلاقي اللي نفسه يقف جنبك
لشط الامان ياخدك
من قلبه عايز يساعدك
اهم حاجة
لازم تساعدي نفسك
تكون اردتك قوية
ارادة حديدية
اخلعي ثوب احزانك
امسحي الدمعة
عيشي الفرحة
الدنيا كل يوم علي حال
دوام الحال من المحال
مهما طال الليل
الظلمة الي زوال
جمدي قلبك
ارمي حمولك علي ربك
مافي حد في الكون يقدر ينفعك او يضرك
كله مقدر ومكتوب
ليه تعيشي حياتك شايلة علي كتافك جبال من الحزن والهموم
أرضي بالمقسوم
الدنيا يوم غالب ويوم مغلوب
قومي نفضي من علي عينك الغبار
قلبك هيشوف النور
الدنيا زي مافيها فجار
مليانة انقياء ابرار
سبحانه خلق الجنة وخلق النار
وترك للانسان الاختيار
قومي قبل مايفوت الأوان
عيشي حياتك بحلوها ومرها
دوسي علي احزانك
ارمي همومك ورا ضهرك
اعرفي انه كله بأمر ربك
سبحانه الحكم العدل
اللي معاه عمره مايضل
ولا يعرف طريق الذل
قلبه لايعرف حقد ولا غل
خلي تكالك علي ربك
سبحانه هو حسبك
صبري حسين