عيش الحياة بسعادة
بقلم دكتور/ نجوان حسنى
حين نبحث عن السعادة وأساسها نجد أنها لا معيار لها…
فقد تكمن السعاده في دواخل البشر جميعا، إلا أنهم دائمي البحث عنها خارج أرواحهم وأنفسهم، مما يستنزف طاقاتهم…
فكثيرا مايلهث الإنسان وراء السعاده ولن يجدها……
slowliving ..
أسلوب حياة مختلف يشجعك على إنك تعيش حياتك “واحدة واحدة”وبرضا وسعادة
وعلى مهلك من غير استعجال
بما إننا أصبحنا أسرى للوقت والتسارع الزمنى
بمعنى
لازم ألحق كل فرصة قبل ما تضيع
لازم أكون على اطلاع على كل الأحداث
لازم أبقى على علم بكل حاجة جديدة بتحصل وكمان أحاول أعملها حتى لو امكانياتى لاتتيح لى ذلك
لازم أعرف أي تريند أول ما يبدأ
لازم أشتغل أكتر , عشان أنجح أكتر
لازم أعمل فلوس أكتر لاعيش برفاهية أكثر
لازم أكبر مشاريعي قبل ما غيري يكبر مشاريعه
صراعات و تهافت على كلام فاضي و أهداف وهمية
Slow living
وهذا يتطلب منك عكس كل هذا
اشتغل و انجح و اعمل فلوس و كل حاجة ، بس و انت آخد بالك من بقية جوانب حياتك فلا تهتم بجانب على حساب جوانب أخرى
أصدقاء كثيرون لى
كتيرا ما بيقولون إنهم فوجئوا إن أولادهم كبروا من غير ما ياخدوا بالهم , و إنهم بالفعل لم يستمتعوا بفترات الطفولة و اللعب لأنهم كانوا مشغولين عنهم فيها
أحد عمالقة البيزنس اسمه Dan Lok , يقول إننا دايما ما نسمع إن Time is Money بس ده غير صحيح إطلاقا لإن الوقت أغلى من الفلوس بكتير و الدليل ببساطة
الفلوس تقدر تعوضها
لكن الوقت بالفعل لايعوض
وأنا رأيى إلغى كلمة “الفلوس” وضع مكانها أي شيء تستطيع الاستغناء عنه جزئيا الشهرة المركز النفوذ المكانة الاجتماعية الوجاهة
كل هذه الأمور يمكن تعويضوها أكيد
على الرغم ان فى ناس كتير لاتستطيع الاستغناء عن السلطه أو النفوذ
لكن فى نهاية المطاف كثيرا منهم يشعرون بالندم بعد فقدان الكثير من معانى الحياه الجميلة من الحب والسعاده وده لأنهم فى زحمة الحياه تناسو أنهم بشر
قف لحظة كده من فضلك وخد نفس عميق واستبدل مكان “الوقت” كل شىء صعب يرجع بعد ما راح
صحتك عيلتك ذكرياتك وأهم حاجه سعادتك
انا حرفيا مؤمنة جدا ب : Less is More
لأنى بالفعل خضت التجربة إنك تتفانى جدا فى عملك ستجد المحصلة صفر
وستجد نفسك فى ضغوط كثيرة ودوامه تنسى خلالها ذاتك وسعادتك وتنخدع بنجاحك فى شغلك
لكن الأصل سعادتك وحياتك الخاصة هما الأساس فى نجاحك
قليل من المجهود والتغافل الذكى يساوى كثيرا من السعادة
و في الحديث الشريف : ما قل و كفى , خير مما كثر و ألهى
خد نفسك
ارفع قدمك قليلا من على البنزين
افتح زجاج السيارة و انظر الي الطريق من الجانبين واستمتع بكل لحظة وانت تعيشها
اذا وصلت متأخر قليلا وانت سعيد
أفضل من وصولك قبل الموعد المحدد بساعة أو حتى ساعتين و عندك مزيج من الأمراض المزمنة التي لاحصر لها