إبراهيم منصور بدر
..
{ 1 }.
كف القدر ..
مربوطه فيه خيوط البشر..
مين اللى بيحرّك ف مين؟..
متعلقين دقات
بين الكلام والصمت!.
وقت احتوانا،،
ووقت ..
كحّلنا دمع حزين!.
……………………………..
{2 }..
همسة عيون الحلم سحر..
بتشق فجر جديد يفارق..
مع شروق الشمس!..
أمنيات الغد..
ذكريات الأمس..
كله بعد الليل..
بيغيب لحد الليل!.
………………………..
{3 }…
لمّا قلبى غمّى عينى..
عينى شافت دنيتى ..
ف صفحة خدودك..
كنت عودك ،،
وأنتى كرَّهتى الوتر..
يقسم عليكى العزف!.
…………………………
{4}..
الفرح والحزن يعموا..
لو يزيد حد انتشاهم ف العروق..
والحب فوق كل الدموع والابتسام..
ميغيروش اللقا ولا تمسحه فرقه..
أرواحنا ف العالم عيون..
مبيعميهاش البعد
عن نبض احساس اتولد..
لو حتى كان بالكدب!.