بقلم الشاعر: محمود السعيد عبد الهادي: بورسعيد
غريب طبعك يادنيا
غدارة مالكيش أمان
أصل أنا شوفت كتير منك
من القسي والمرار والأحزان
الكل عايش فيكي يغدر ويبيع
في أعز ماليه وأقربها كمان
لافارق معاه صلة رحم
ولافارق أتربي علي أيه زمان
المهم يدوس علي الناس ويوصل
وبسرعة يطلع لفوق أوام
حتي لو كانت السكة ضالمه
لايمكن تتقطع له الأحلام
غريب طبعك يادنيا
غدارة مالكيش أمان
قلوبنا خلاص بقيت سودة
ومابقتش كمان ياناس حرة
وسوادها أصبحت موضه
والناس بتباهي مش حاسه
وصار بينا الكبير ينداس
حلمنا خالي من الأحساس
ورغم الحق لسه مابينا مجاش
هنفضل كده لبعض مداس