عبدالله عبدالعظيم
فارس
ما عنده جواد….
ولا هو من الأسياد
خالص!!!
موصي بناته والأولاد.
بعشق بلاد.
صحيح فاقد
لبكرة الزاد…
أبوه رباه
إن غناه…
في رضاه!
عجيبه القصة دي يا ولاد
حكمة من رب العباد ?
اعترض عاد!!!!
حكمته ☝️
الفقر هو قصته..
مع كل يوم تنعاد
بس عادي…
برده راضي
قلبه وادي
مزروع بحب بلاد ??
بحبك والله يا بلادي
وأنا الخيال ?
رسمتك صورة في فؤادي…
يا شاغلة البال
ما أنت العم…
وأنت الأم…
وأنت الخال…
عروسه مزينة الخلخال…
بحبك صدق مش طبال
ومش عارف
بحبك ليه؟؟؟
أنتي الكون…
بكل ما فيه
وكله يهون
وهتعديه…
ولو فيكي هعيش مديون…
ما حيلتي جنيه
ولا مرة أحس بقهر
يا مالكه فيا كل الفكر
ولو زمني بيعصر عصر
هقول يكفي في ساعة عصر
على نيلك…
أغنيلك
بكل الفخر
مين زيي
أنا وطني
حبيبتي مصر ??