الف. مليون مبرووووك
مصر تحتفل ٦ أكتوبر
“””””””””””””””””
كتب / اللواء ا.ح سيف الدين محمد
في ذكرى الانتصارات المصري يقول
عندنا أفضل لاعب كرة قدم في العالم و أفضل لاعبة اسكواش في العالم و افضل لاعبة كاراتيه في العالم و افضل بطل كمال اجسام في العالم و رابع احسن لاعب كرة يد في العالم
و عندنا أهم قناة بحرية في العالم و اكبر محطة تحلية مياه في العالم و عندنا أحسن قطن في العالم وأكبر متحف للآثار في العالم
وعندنا أكبر هرم في العالم
عندنا جندي مفيش زيه في العالم
مثل هذا اليوم عبر الجندي المصري قناة مزروعة نابالم في عز الضهر علي مركب مطاط في رمضان وهو صايم مجدفاً لحائط عملاق عالشط التانى لا يعرف ماذا وراءه و لا يملك إلا سلاحاً قديماً علي كتفه و لكنه وصل و طلع وعدي وإنتصر و قال الله أكبر بأسمه وإسمى وإسمك..
المصريين يوم ٦ أكتوبر الفجر إتسحروا وهم متحسرين وملتاعين أرضهم مسلوبة وكانوا بيفطروا المغرب وهم منتصرين وأرضهم رجعت و علمهم مرفوع فوق تراب مصر
وعشان أجيال إلنهارده تعرف أهمية وحجم هذا الحدث وهذا الانجاز
ست ساعات بس عقبال ما خدمة واتساب والفيسبوك وانستجرام انقطعت ورجعت اشتغلت تانى كان جيش مصر ورجال مصر في ست ساعات نقلوا تاريخ مصر من صفحة إلي صفحة تانية خالص و غيروا الجغرافيا من خريطة الي خريطة تانية خالص
وإنت لسه بتقلب في التليفون وبتحط صورة أو بتكتب بوست وعايز تعرف مش شغال ليه… كان رجال مصر حطموا ودكوا أكبر ساتر ترابي في العالم وعبروا القنال وعملوا كبارى عليها ورفعوا العلم وإتغير التاريخ وإتغيرت الجغرافيا ورجع الحق لأسياده عقبال ما انت رجعت تعرف تعمل بوست ولايك أو تكتب كومنت ورجع تليفونك يشتغل تانى.بس كده ..وخلاص !!
يوم ٦ أكتوبر ليس فقط ملحمة طيران وبحرية ومدفعية ولكنه ملحمة شعب كامل وملحمة عقل ودهاء ومكر وخداع وتلاحم وحب وتفانى وإقدام وإستنزاف وإدارة ورؤيا وثقة
وصفعه تاريخية مولمه حتى اليوم علي عدو قالوا عنه أنه لا يقهر…
الف مبرووووك على أحلي وأقدم وأرق وأشجع وأجدع ناس في العالم
كل ٦ اكتوبر و مصر كلها طيبة