(كلمة للجميلات الفاتنات)
كلمات/صبري حسين
وانا بتجول
داخل الجروبات والمنتدبات
شوفت عجب العجاب
تعليقات من الجميلات الفاتنات
تعليقات كأننا في صراعات
الله علي الانثي القوية
اللي ترد الكلمة بالكلمة
اللي ماتسيب حقها ثانية
الكلمة قصادها الف كلمة
أوعي تسامحي علي الغلطة
لازم تستعملي الضربة القاضية
لازم الكل يعرف مين هم نون النسوة
نصايح كلها عدوانية
يا ايتها الجميلات الفاتنات
فين العطف والحنان
فين التسامح والغفران
احنا مش في معركة حربية
كلنا في مركب واحدة
الحياة مش تنفع من غير هو وهي
خلي شوية عليك وشوية علي
مفيش حد من الخطأ معصوم
لازم للحياة نفهم
والاختلاف طبيعة بشرية
وزمان قالو
الاختلاف في الرأي
لايفسد للود قضية
سامعة انت وهي
ايتها الجميلات الفاتنات
انتم الحلويات الشرباتات
انتن الامهات والاخوات
انتن احلا البنات
انتن الزوجات الحبيبات
من غيركم الدنيا تنفات
ايتها الجميلات الفاتنات
انتم رحمة لنا
انتن نور الحياة
انتن البسمة علي الشفاة
معاكم مفاتيح الفرح والسعادة
بالله عليكم اتخلوا عن الكئابة
الله كرمكم اجمل تكريم
واوصانا بكم رسولنا الكريم
قال ما اكرمكم الا كريم
وما اهناكم الا لئيم
قال عليه الصلاة والسلام
استوصوا بالنساء خيرا
رفقا بالقوراير
وصايا ليوم الدين
ايتها الجميلات الفاتنات
انتبهوا من شغل التلت ورقات
عايزين يخربوا البيوت
احنا طول عمرنا عايشين في تبات ونبات
ربنا رزقنا بالبنين والبنات
بالعقل نقدر نحل كل الخلافات
بالمودة والرحمة تتعمر البيوت
بلاش نسمع للمهاترات
كل عقدة ولها حلال
ايتها الجميلات الفاتنات
انتن اجمل المخلوقات
اقسم بمن رفع السموات
اننا نحبكم من المحيا للممات
بالله عليكم بلاش نزيد في الخلافات
وانتم يا اهل الجروبات
هدوا شوية التعليقات
كلكم تيجان فوق الرءوس
ايتها الجميلات الفاتنات
انتم اغلي من الالماس
انتن لكل شئ الاساس
الجنة من غيركم ما تنداس
ايتها الجميلات الفاتنات
يا عسليات وشربتات
اعلوا عن كل السخافات
انتن جوة القلوب
انتن بهجة الحياة
انتن جنة الله علي الارض
بنحبكم بالطول والعرض
بفضلكم معترفين
لجهودكم شاكرين
لتضحياتكم مقدرين و ممتنين
ايتها الجميلات الفاتنات
لكم منا اخلص التحيات
مع بعض مكملين
بنحبكم ليوم الدين
صبري حسين