(كنت)
كلمات /صبري حسين
كنت بمني نفسي
لما أغيب
حد يحس بغيابي
والاقي اللي يسأل عني
كنت بمني نفسي
لكن من أمتي بيفيد التمني
عشت طول عمري
اهتم واسال عن كل اللي حولي
كنت عاملهم اصحابي وأهلي
عمري ما اتعاملت علي انهم غرباء عني
ياه خاب ظني
للإسف بانت الحقيقة
كانت صدمة رهيبة
لكنها حقيقة
بأن مافي حد بيهتم بحد
ولا حد حاسس بحد
اتقفلت كل ابواب الود
ماتت اشجار العهد
حياة بقت غريبة
كل حاجة فيها كئيبة
خد مني النصيحة
بلاش ترفع سقف الآماني
اعرف يا صاحبي
مهما كانت حلوة البداية
انتظر مر النهاية
هي دي اصل الحكاية
لازم تعمل لكل حاجة حد
ولاتنتظر حاجة من حد
اتعامل بواقعية
سيبك من الاحلام الوردية
بلاش تعيش الخيال
وتقول شئ محال
عني يقدر يستغني
ولا علي بعادي يقدر يصبر ثانية
ده احنا بينا عشرة
ياما قسمنا انا وهو اللقمة
صدقني يا صاحبي
الحاجات دي كانت زمان
ملهاش مكان الأن
فوق من اوهامك
اصحي من احلامك
اي قصة زي مالها بداية
لازم يكون لها نهاية
لكن اللي يوجع بجد
ان خلاص مفيش حد
باقي علي حد
صبري حسين