بقلم/محمد بركات
مسألتش مين فينا باع
ومين اشترى
مسألتش مين عمره ضاع
فينا وجرى
مابين سهد وغرام
وعيون جفاها المنام
من هجر وخصام
صحا فيا الاوجاع
وعذاب وضنا
انا والا انت ياترى
انا اللى عشت فى حلمك
وضحيت باحلامى
انا اللى اتحملت منك
فوق احتمالى
واديتك وقتى وعمرى
وسكنتك روحى وقلبى
وصبرت كتير وكتير
على طبعك صبر كبير
لجل حياتنا بالحب تسير
والصبر عاوز مقدره
انا والا انت ياترى
انا اللى صونت الود
حتى فى بعادنا
وانت اللى خونت العهد
اللى عليه اتعاهدنا
على حب يدوم
العمر مابينا
مصعبش عليك
عذابى
من شوقى اليك
وحرمانى
وعلى بعدى ياما قدرت
فوتنى ولا فيا سألت
لا فرق معاك حرمانى
ولا ايه جرالى
فى بعدك وانشغالى
ومنك ياما جرى
انا والا انت ياترى