إبراهيم منصور بدر
{1}.
كنتى فين؟..
لمّا عين الروح..
غدر..
بيها النزيف؟..
كنتى ايد ..
دبحت..
ف ضعفى سنين!.
أفتكر ..
أو مفتكرش..
حاجة..
ترجع للحنين!.
………………………..
{2}..
حبينا صدفه،،
ونسينا صدفه،،
وبقينا ..
سطرين من أنين..
سطر انطفى،،
وسطر إختفى..
ليل الخيال..
بين الإوض..
خربشات الحب
ف غصون الشجر..
خروشة ..
أحاسيس..
بتحضن ذكريات..
تكتكة ..
صوت العقارب ..
جوّة..
أطباق الساعات..
دمعتين ..
تحت الغروب..
حنِّنوا حضن السما..
على قلب بايش
فابتسم نور الحنين
ف بريق عيونه..
هزّ كونه لحظتين..
زيْ ..
ما يزور الحبيب..
قبر الحبيبه..
وف إيده ماسك..
وردتين!.
……………………………..
{3}…
صادقة..
الدّموع لكن..
صدق..
الدّموع داكن،،
ف عيون..
خريف العمر!..
سطر الهوى ..
على ورقة..
صفرا مكرمشهة..
بيهز..
أوتار الحنين..
وف كل دقّه بتتفرط
من عمر قلبى بتتنسى
حدوته تمسح دمعتين!.
#إبراهيم #منصور #بدر