موت القلوب
بقلم ياسمين زايد
كل يوم حادثة جديدة
كل ساعة وكل ثانية
كل يوم نسمع فى سيرة
خطف واحدة وقتل تانية
الشباب بتضيع ياعالم
والكبار سرقوا البلد دى
يعمل القاتل جريمته
واصل رفضت هى حبى
الى يسرق بنك فجأة
والى موت نفسه كافر
نسيوا أن الدنيا فانية
وان كل الكون مسافر
كل واحد جوا بيته
قافل على نفسه البيبان
خايفة اصحى الأقى نفسى
مت بين أربع حيطان
المخيف فى الشئ حقيقى
البشر ماتت قلوبهم
مات صاحبى وراح حبيبى
وهما بيدارو فى عيونهم
واى كمان
دا الى صار فوق التصور
يعلن المجرم جريمته
والشعوب واقفة تصور
اعلن الفاحش بكاميرا
شوف يابيه صور ياخويا
البلد فقدت امانها
مات صاحبى وراح اخويا
الامان صار ذكرى حلوة
نبتسم ونحن ليها
والشهامة والمروءة
صعب دلوقت نلاقيها
مش كفاية موتك ضحية
مش مهم خسرتى اى
اصل برضو غلطى يعنى
كنتى لبسك طوليه
ناس مريضة وخلق تقهر
مجتمع ظالم بطبعه
طلعوا اجيال تخوف
كله ماشى وراه متابعه