ناس لئيمة
شاعرالعاميه جلال محمد /كفرالشيخ
………..
زمن وماشي بضهره
وملهوش وش
وناس لئيمة
ومش حكيمة
وعايشه حياتها
غش ف غش
وناس دقيقه
وناس رقيقه
مش بتبيع عشرة
السنين ف دقيقه
وناس طيبه قوي
مبتعرفش الملاوعه
وكمان الغش
وناس من النسمه
بتخاف عليك
وناس بتعمل
أي حاجه
ونفسها ترضيك
وناس ف
حياتك بتأذيك
وناس بتألمك
وناس بتوجعك
وناس عاملين حبايب
وهما زي العقارب
دايماً ف رزقنا
باصين بيكلوا
عيشنا وملحنا
ودايماً لينا غدارين
والنعمه
علينا مستكترين
ودايما علينا جايين
بالخفيف والتقيل
وأجدع مافيهم عويل
يارب رحمتك
منهم
معدناش قادرين
………
2021/8/30