نصيحتي قطار الزمن للعاق لوالديه
بقلم/ صادق المناسفى
نصيحتي قطار الزمن للعاق لوالديه
و يجري العمر و يسافر بدون ترتيب
وتنسانا حاجات حلوة وحاجات بتغيب
ونلقى ضهرنا الواقف بقى محنى
ونلقى نفسنا فجأه ملانا الشيب
أمانه يابني يوم ما أكبر
تكون في الشده دي جملي
ويوم ما أحزن تكون عيدي
ويوم أضعف تكون إيدي
ويوم ما ايأس تكون أملي
أنا اللي في الصغر شيلتك
وأنا اللي بدمي كبرتك وشوفت الويل
ومهما يا ابني كات شيلتك
على كتافي وفي دعنيا بشيلها شيل
خدتني الدنيا 100 لفه وملتني جراح
وعشت العمر بتكفى عشان ترتاح
عشان ما أشوفكشي يوم عايز وأنا عاجز
تضيق الدنيا في عنيا لكن في عينيك أشوفها براح
أمانه تبقى يوم عشي
وأكون في العش ده طيرك
ماتحوجنيش فيوم أبدا
لى حد في دنيتي … غيرك
وتبقى في ضلمتي نوري وتبقى الصحبة واللمه
وتبقى في مرضي دكتوري وتبقى الحضن والضمة
وتبقى في دنيتي حضوري وليك جوه القلوب خانة
تكمل في الحياة دوري بصدق وطيبة وأمانة
ويوم ما الدنيا تكسرني
تكون في السكه نور عيني وعودي
ويوم ما الموت هيختارني
تكون دعوه تنور قبري في موتي
زماااان يا ابني
زمان كان الضعيف أنت
وأنا بستقوى من أجلك
وبكره أكبر قوي وأضعف
وأكون في الضعف محتاجلك
أمانه يا ابني يوم ما أكبر ماتوجعنيش
و إوعى مرة بدموعي تبيتني
وخد بالك من الكلمة .. ماتجرحنيش
دا أبسط كلمة لو جارحه تموتني
فا لو هلمح ولو ثانيه في نن عنيك
بإني بقيت تقيل الحمل لحظة عليك
ساعتها الموت يكون أهون قوي عليا
بلاش يا ابني تموتني في يوم بإيديك
أمانه يا ابني يوم ما أكبر
وتفضى الدنيا حواليا
ويهرب كل شيء مني
ويضعف كل شيء فيا
تشيلني في قلبك الطيب
و ماتسبنيش منين ماتكون
وتبقي لى السند يابني
وتبقي لى الأمان في الكون
أمانه يا ابني من فضلك
تكون لى ساعتها زمن حنون