نويت تسافر ؟
من ديوان اكتب ياقلم
جلال محمدكمال
كفرالشيخ
خلاص…
نويت تسافر ؟
هاتسبني لوحدي
وتهاجر؛؛؛
هاتسبني أقاسي
وحدتي
وأشرب كاسات
غربتك
واحد ورا التاني؟؟
ااااااآه ياأملي
وكل حبي
خدت إيه معاك
ذكرى مني؟
صوره وخُصلة
من شَعري
تفتكر هيصبروك
علي غيابي وبُعدي؟؟
بتقولي أسامحك
دا أنا معرفتش
طعم الحب
غيروأنا جانبك
فيه واحدة تانيه
هناك
مين غيري
هتستناك
وترمي علي
أكتافها همومك
وتاخدها ف حضنك
وتقول لها
قول يا أملي
دايماً كلمني
إوعاك تنساني
خليك فاكرني
إوعي واحده تانيه
تنسيك حبنا
وسهرنا تحت القمر
مع بعضنا
وإنت هناك مش هنساك
*********************
2022/6/18