كلمات /إبراهيم منصور
.{1}.
تقوى تقوى..
وأما توصل ..
أقوى قوّة..
تنفجر..
قسوة حقيقتك..
ف الوشوش..
تبدأ..
تحوش اللى بيقع..
تصغر أوى..
فيكبَّروك ..
بالزيف ،،
وتأليف البطولة..
ف عيون..
غشى سنينها الخريف!.
………………………….
..{2}
بيجيلها وجع..
تكتم ف الصرخة..
لحد..
الصرخة..
متبقى شرار!..
فتطفّى..
النار ..
بالنار..
بعدين..
تتغمى العين..
تقفل..
عالموجوع،،
والواجع..
قلب حزين!.
…………………………
…{3}…
حبِّك..
كان أكبر تعذيب!..
كان تغريب..
القلب ف حضنك..
بينسِّينى
إن إنتى لهيب؟..
أنا مش فاكر..
لأ أنا فاكر..
تفاصيلِك..
مكانتش حقيقه..
مكياج زال ..
من صفحة خدِّك..
شُفتِك روح..
فاقدة الإحساس!.
…………………………..
….{4}….
راجل طيّب..
قال الصدق ..
اتلام واتعيّب..
طلقوا..
كلاب السكّة وراه..
جري يتخبّى ..
ف حضن الآه..
الآه ..
إتجرحت ..
من حضنه!،،
وغرست ..
تحت عروقه أنين..
بقى مسكين..
مدهوشة عيونه،،
يشبه درويش..
بين شياطين!.
……………………………..
…..{5}…..
يهز ..
الورد أغصانه،،
ويجرح ..
خد ورقه الشوك..
يا أرض..
مفرّقة الفُرقة..
ومنّك..
فيكى اوجاعك..
ومنّك..
فيكى بسماتك..
ومنّك ..
فيكى متاهاتك..
فيوم ماقابيل..
لقى غرابه..
وصوت الموت ..
مع المواليد..
بعيد ف بعيد،،
وخيط الفجر
متقطّع..
ف نار الغيب!.
#إبراهيم #منصور #بدر