يابيتنا القديم
***************
جلال محمدكمال
بيلا//كفرالشيخ
يابيتنا القديم …. قولي
راحوا فين سُكانك؟
أصبح ضلمة
وسكنه الأغراب
ف عذاب
إنبارح كان عمار
بالأحبه والزوار
اللمة الحلوه وحشتنا
واللعب مع الصحاب
لما كنا صغار
كنا بنخاف علي
بعضنا
ومكنش فينا خاين
ولاغدار
كانت حلاوة
من غيرنار
وكان الجارللجار
كنا بنضحك وساكن
قلوبنا خَضار
وحوار ورا حوار
لطلوع النهار
يابيتنا القديم
ليا فيك أجمل
الذكريات
والأيام الحلوة
والحكايات
راحوا الحبايب
وسابوا القلب
مليان بالوجع
والآهات
وبقت الحياة
كلها مرار
ااااااآه يابيتنا القديم
*********************
2022/8/1