” يوم وفاة أبني الشهيد ”
بقلم الشاعر: محمود السعيد عبد الهادي: بورسعيد
يوم وفاة أبني الشهيد
حسيت أحساس غريب بجد
وكأني عايش في الكون وحيد
وفي الدنيا دي ماليه حد
راح معاه ضحكي وبكايا
وذكري حلوه بأحلى ورد
ساب معاه حزني وسكاتي
وجرح في قلبي مالوا سد
جرح ينزف جوايا يوماتي
لما بفتكر ملامحه الورد
كأن في قلبي نار تفور
وبركان جوايا ثاير بجد
قرر في لحظه تأيد لهيبه
ويرج جسمي جوايا رج
تتنفض جوايا صرخة
وروحي في لحظة تقول يارب
وقلبي أصبح سكن جراحي
وصندوق ألم من علي كل خد
سكن الجرح والأمه
هدي حزني …… هدي شوقي
حزني قاد جوايا حرب
وهملك أيه من حزني غير
ذكري جميلة ورحمتك يارب